Påskeveret 2011

No er påska her, og det er også påskeveret. I dag er det sol frå klar himmel i Stordal. Ved Arena Overøye er det godt med snø og nypreparerte trasear. Bildet frå webkameraet viser at Bratthenget er godt snødekt, og vidare oppover i traseane er det naturlegvis endå betre. Det er altså ingen grunn til å klage på ver- og snøforhold. I høgfjellet ligg snøen enno djup og fast. Ein topptur til Stolen eller Auskjeret kan bli ei minnerik skioppleving og ei god avslutning på skisesongen.

I dag er det sol og snø nok til alle ved Arena Overøye. Velkommen hit!

Bilde: Arena Overøye i morgontimane i dag, langfredag 2011.
Foto: Kristian Almås