Velkommen til Arena Overøye

Der Vognhusløken kryssar vegen til Seljebotn vart det sist haust opparbeidd ein ny parkeringsplass. Her kan skituristar parkere og gå over Seljebotsmyrane og vidare til Langsætrane. På Langsætrane kan dei kome inn på alle dei andre løypene som Stordal Fjellservice køyrer opp på vinterstid.

Bildetekst: Parkeringsplassen ved Vognhusløken med Storhornet i bakgrunn
Foto: Kristian Almås

Teljeapparatet ved Arena Overøye viste 665 gjester mot slutten av dagen i dag. Ver og føre kan knapt bli betre enn no, og skiinteresserte i alle aldrar var å sjå over alt i anlegget. Ein nokså oppfylt parkeringsplass og tendes til kø ved billettluke og påstigingsstasjonar var også tydelege teikn på stor aktivitet.

Storparten av det vidstrakte løypenettet i Stordalsfjella er no nypreparert, og dei som var der, kunne ta seg fram på eit gnistrande føre.

Ein del skientusiastar av den sprekaste sorten gjekk til toppen av Stolen (1395 m.o.h.) og kunne då på ein bokstavleg måte sette sine spor nedover fjellsidene der.

Bildetekst: Stor aktivitet og gode forhold
Foto: Kristian Almås

Dei siste dagane i 2011 var det mange som besøkte Arena Overøye og fekk utnytta dei fine forholda som var der då. No på nyåret er forholda slett ikkje dårlegare. Det har kome meir snø, og det har blitt kaldare. Skibakkane og frikøyringsområda ligg der og kan by fram norsk vinter på sitt beste. Traseane blir godt preparerte til kveldskøyring i morgon kveld og heildagskøyring laurdag og søndag. Vermeldingane er også gode for helga, så no gjeld det å trø til.
Velkommen til Arena Overøye!

Bildetekst: Skitrekka i full drift
Foto: Tor Peter Innselset

Natt til fredag 30. desember kom det mykje snø, og fram på dagen kom det endå meir. Billetteringssystemet ved Arena Overøye registrerte 410 personar som brukte trekka den dagen. Dette var kanskje beste driftsdagen så langt denne sesongen. Berre på få dagar har no forholda i traseane endra seg mykje til det betre, og det var altså mange som kunne glede seg over det. Seinare på dagen kom det nytt snøver, men det var likevel mange som heldt ut, sjølv om sikten vart heller dårleg på slutten.

Bildetekst: Moderat sikt
Foto Kristian Almås

Det har kome nysnø i Stordal no i ettermiddag. Så langt har det falle 7 cm, men det kan kome meir utover natta. Den snøen som kom i Overøye til opninga sist helg, har no sett seg og frose til, slik at dette gir eit godt underlag i slalåmbakkane og også utanfor dei opptrakka løypene. I snørapporten i morgon tidleg vil det gå fram kor mykje laussnø det då er på dette underlaget.

Bildetekst: Lett nysnø
Foto: Kristian Almås

To nye trakkemaskinar står klar til bruk for sesongen ved alpinsenteret. I dag vart belte og skjer monterte på den maskinen som bildet viser. Dette er ein heilt ny maskin med påmontert vinsj. Vinsja har ei trekkraft på 4,5 tonn og 1100 m wire. Den andre maskinen kom no i ettermiddag, og den er av same sort men utan vinsj. Desse maskinane kan gå rett i alpinbakkane, og trakkinga kan starte.

Bildetekst: Ein montør frå leverandøren er i ferd med å montere belte og skjer på den eine av maskinane.

Foto: Kristian Almås

Det snøar i Øvre Stordal i dag. Vermeldingane går ut på at vi også kan få meir natursnø dei første dagane. Slik det ser ut no, kan den første dagen med opne skitrekk bli laurdag 17. desember. På nettsida kjem vi tilbake til dette etter kvart, så følg med og hald skiutstyret i orden!

Bildetekst: Det snøar ved servicebygget i Overøye
Foto: Kristian Almås

Vi sel skikort også denne helga!

Billettar/kort kan kjøpast i billettbua på Overøye:

• laurdag 3. desember 14.00 - 16.00
• søndag 4. desember 11.00 - 13.00

Prisar for sesongen er lagt inn, sjå under prisar i menyen over.